Enpresetako, sindikatuetako, gizarte-erakundeetako, unibertsitateetako, GKEetako, gobernuetako edo alderdi politikoetako 239 pertsona ezagunek bat egin dute duela aste batzuk Europan abiatutako Susperraldi berdearen aldeko aliantzarekin. Sinatzaileek Europar Batasuneko erakundeei eskatu zieten COVID-19tik eratorritako pizgarri-politikak, ekonomiaren eta gizartearen ikuspegitik eraginkorrak izateaz gain, jasangarritasun-politikekin eta Europako Itun Berdearekin bat etor daitezela.

Printzipio berekin sortu da orain mugimendu hori Espainian, gaur Diputatuen Kongresuko Berreraikuntza Sozial eta Ekonomikorako Batzordeari helarazi zaion gutun honen bidez. Gutunak susperraldi jasangarrirako irizpide berak planteatzen ditu, eta Batzorde honen zereginetan kontuan hartzeko eskatzen du.

Adierazpenaren sinatzaileek ekonomia jasangarriago eta sendoago baterantz suspertzea babesten dute, eta alderdi politikoen, enpresen, sindikatuen, komunikabideen, GKEen eta gizarte zibilaren arteko zeharkako aliantzak ezartzea eskatzen dute. Hori guztia jasangarritasun-irizpideetan oinarritutako pizgarri ekonomikoen pakete bat abian jartzeko helburuarekin, ezagutza zientifikoan eta jardunbide onenetan oinarrituta, gizarte oparoago, jasangarriago, osasungarriago, justuago eta erresilienteago baterantz aurrera egiteko aukera emango duena.

Atxikimendu guztiek islatzen duten aniztasuna, bai eta denak batera agertzea ere, bide bateratu horretan elkarrekin jarduteko beharraz jabetzearen seinale da.

Sinatzaileen artean hauek aipa daitezke:

• Politikariak: PSOE (Cristina Narbona), PP (Elvira Rodriguez), Podemos (Pablo Echenique), Cs (María Muñoz), Más País (Iñigo Errejón), Ana Pastor (Diputatuen Kongresua), Miguel Arias Cañete, Manuela Carmena, Javier Solana, Ana Palacio.
  
• Enpresak: Ana Botín (Santander) Ignacio S. Galán (Iberdrola), Pablo Isla (Inditex) eta José Alberto González Ruiz (CEOEko idazkari nagusia).
  
• Administrazioak: Jorge Azcon (Zaragozako alkatea), Juan Espadas (Sevillako alkatea), Abel Caballero (FEMPeko lehendakaria), Jose Antonio Valvuena (Kanarietako Trantsizio Ekologikorako kontseilaria) edo Olga García (Extremadurako Trantsizio Ekologikorako kontseilaria).
  
• Sindikatuak: Unai Sordo (CCOO), Pepe Álvarez (UGT).
  
• GKEak: Juan Carlos del Olmo (WWF), Asun Ruiz (SEO Birdlife), Víctor Viñuales (Ecodes), Miguel Ángel Feíto (OCU), Franc Cortada (Intermon Oxfam), María Francisca Tricio (Espainiako Pentsiodunen eta Erretiratuen Batasun Demokratikoko lehendakaria).
  
• Zientzia: Fernando Valladares (CSIC), Julio Diaz (Carlos III Osasun Institutua), Daniel Innerarity, Miguel Delibes de Castro, María José Sanz (BC3) edo Iñigo Losada (Kantabriako Unibertsitatea) eta Klima Aldaketarako Nazio Batuen aditu ugari (IPCC).
  
• Kazetariak: Iñaki Gabilondo eta Jose Antonio Zarzalejos.
  
• Beste batzuk: Emilio Lamo de Espinosa (Real Instituto Elcano), Victoria Ortega (Abokatuen Kontseilu Nagusiko lehendakaria) eta Teresa López (Landa Eremuko Emakumeen Elkartearen Federazioko lehendakaria).

Euskadin, adierazpenak atxikimendu garrantzitsuak ditu: Iñaki Arriola, Eusko Jaurlaritzako Ingurumen, Lurralde Plangintza eta Etxebizitzako sailburua; José Ignacio Asensio, Gipuzkoako Ingurumena eta Obra Hidraulikoetako diputatua; Alfonso Gil, Bilboko alkateordea; Javier Ormazabal, Velatiako lehendakaria; Agustin Markaide, Eroskiko lehendakaria; eta beste pertsona ezagun batzuk, hala nola: Nekane Balluerka, EHUko errektorea; Andoni Luis Aduriz, sukaldaria; Mª Jose Sanz, Ikerbasque ikertzailea eta BC3ko zuzendaria; Iñaki Dorronsoro, Eusko Ikaskuntzako lehendakaria; Jesús M. Ugalde, Jakiundeko lehendakaria; Cristina Iglesias, eskultore eta Espainiako Arte Plastikoen Sari Nazionala; edo Daniel Innenarity, Globernance-ko zuzendaria eta EHUko katedraduna.

Diputatuen Kongresuko Berreraikuntza Sozial eta Ekonomikorako Batzordeko kideei bidalitako gutuna hemen kontsulta daiteke: porunarecuperacionsostenible.net/eu/

Ekimena gizarte osoari irekita dago, eta atxikimenduak jasotzen jarraitzen du esteka honetan.

Hauek dira lankidetzarako ekimen honen bultzatzaile nagusiak: ECODES, Grupo Español de Crecimiento Verde, Seo/BirdLife, eta, partikular gisa, Basque Centre for Climate Change-ko (BC3), Real Instituto Elcano-ko eta Madrilgo Unibertsitate Politeknikoko (ItdUPM) ikertzaileak.

Sinatzaileen zerrenda