Lan-talde honen helburua da batetik, Euskadiko 2030eko Erosketa eta Kontratazio Berdearen Programa , EKBarekin lotutako lege-betekizunak eta erakundeentzako inplikazioak eta abantailak ezagutaraztea eta bestetik, EEKB 2030 programa ezartzeko baliabideak partekatzea eta EKB lantzen ari diren erakundeak ikusaraztea.

Lehenengo saio honetan, 16 udaletako, 6 eskualdetako erakundetako eta Eudeleko teknikariek eta politikariek hartu dute parte. Sektore publikoko erosketa eta kontratazio prozesuetan parte hartzen duten profil askotarikoa teknikariek parte hatu dute saio honetan; hala nola, kontratazio-arloko arduradunek, udal-idazkariek, ingurumen-teknikariek eta beste arlo batzuetako teknikariek ere, izan ere, EKBak administrazioko sail guztiak barneratzen baitu.

Saio honetan , Erosketa eta Kontratazio Berdeari dagokionez erakundeen abiapuntua zein den ezagutzeko lanketa egin da eta baita EKB ezartzeko dituzten arazo eta beharrak identifikatzeko lanketa egin ere.

Eta modu eraikitzailean, dauden zailtasunak gainditzeko gaur egun erakundek eskura dituzten tresnen berri eman da.

Lan jarraitua

Inplikatutako erakundeek saio telematikoen programa bat dute, beren erronkak eta lorpenak lantzen eta partekatzen jarraitzeko:

• 2. Saioa (martxoaren 7a): Entitate parte-hartzaile bakoitzarentzat ibilbide orri bat osatuko da. Bileran hartutako konpromisoak lortzeko jarraitu beharreko urratsak identifikatuko dira eta, hala dagokion kasuetan, 2030erako Euskadiko EKBPri atxikitzeko pausuak.
  

• 3. Saioa (martxoaren 16a): Taldeak jarraipen-orrien ezarpenaren eta e-mugi tresnaren erabileraren jarraipen bateratua egingo du.