Mugikortasun jasangarrirako zerbitzuak: BIZIMETA eta UKANAUTO

2009a: BIZIMETA, bizikletak uzteko zerbitzu publikoa, abiarazi zen

Uribe Kostan bizikletaren erabilera sustatzea izan zen mugikortasun jasangarriagoa egoteko lehenengo apustuetako bat.

Horretarako, BIZIMETA zerbitzua abiarazi zen 2009an. Bizikletak uzten dituen zerbitzu publiko aitzindaria da hori, eskualdeko herritarrei zuzendutakoa batez ere.

Energiaren Euskal Erakundeak eta Bizkaiko Foru Aldundiak emandako diru-laguntzei esker laguntza ekonomiko handia zegoenez, hasierako inbertsioa egin zen (13 bizikleteta-gune, material informatikoa eta 113 bizikleta), eta zerbitzua abiarazi zen, komunikazio-kanpaina handi batek lagunduta (nodo eta puntu garrantzitsuetan; hala nola, metroan, autobus-geralekuetan...).

2011: UKANAUTO car-sharing zerbitzua jarri zen martxan

Joan-etorri guztiak bizikletaz egitea zaila denez, Mankomunitateak beste urrats bat eman zuen 2011n: ibilgailuak denbora-tarte txikietarako alokatzeko zerbitzua abiarazi zuen.

Ibilgailu pribatuaren jabetza eta erabilera intentsiboaren gaineko pentsamoldea eta ohiturak aldatzen laguntzea da xedea. Eskualde horretan, familia-unitate bakoitzak ibilgailu bat baino gehiago dauzka.

Horretarako, BIZIMETArekin bezalaxe, hasierako inbertsioa handia izan zen, eta Energiaren Euskal Erakundearen eta Bizkaiko Foru Aldundiaren laguntza jaso zen ibilgailuak eta hardwarea erosteko.

Aldi berean, Bizikleta Bideen Eskualde Plana idatzi zen. Bertan, zazpi herriak modu seguruan eta bideragarrian elkarlotzen dituzten bidegorrien eta bizikleta-bideen trazadura zehaztu zen. Eskualdeko udal guztiek onartu zuten Plana, osoko bilkuran, 2012an.