Xaguxatar parkea, Azpeitiko (Gipuzkoa) Ekoetxearen ondoan kokaturik, saguzarra protagonista duen Euskadiko lehen hezkuntza-parkea da. Parkean saguzarren ohiturei, bizilekuari eta ezaugarriei buruzko informazioa aurki daiteke ikuspegi ludiko eta interaktibo batetik, aisialdiaren eta naturarekiko kontaktuaren bitartez.

Parkea Izarraitz mendigunean dago, Kontserbazio Bereziko Eremuan (KBE). Lau saguzar espezie bizi dira bertan, eta 1.800 metroko azalera du, bost eremutan banatuta.

1. ENBOR BERTIKALEN BARATZA
   Akazia enborrekin gune bat sortu da eta sokaz egindako armiarma sareak xaguxatarren antzera bertan zintzilikatzeko aukera ematen digu.
2. LABERINTOA
   Erramu sail honek hainbat zentzumenen bitartez jolastea ahalbidetzen du.
3. XAGUXATAR HORMA
   Bertan zuloak binaka konektatuta daude. Batetik hitz eginda, bestetik entzun daiteke, xaguxarrek gauez ezer ikusi gabe hegan egiteko darabilten radar-sistema birsortuz. Gainera, horma hau rokodromo gisa erabil daiteke.
4. INTSEKTUEN HOTELA
   Parkera begiratzen duen museoko fatxadan dago. Bertan xaguxarrentzako habiak ipini dira testura desberdineko elementuz osatutako koadro batean.
5. EGONGUNE ALTERNATIBOA
   Eremu honetan banku gisa akazia enborrak eta mahai bezala kable bobinak jarri dira. Aldamenean, enborrekin egindako mikadoa dago.

Parke honetako protagonista, saguzarra, parkeko maskota da eta ibilbidean gidatzen du, hainbat atriletan jasotako informazioaren bitartez.

Uda honetan parkean konpontze eta mantentze-lanak egin dira, beraz, aukera ona izan daiteke ezagutzeko.

Hauek izan dira lanak:

• Intsektuen hoteleko elementuak konpontzea.
• Mahai funtzioa egiten duten bobinak birjartzea
• Bi hormak margotzea
• Lurreko xomorroak margotzea
• Tunel berria jartzea

Informazio gehiago