LURDEIA, TURISMO-OSTATU JASANGARRIA

EUROPAKO ETIKETA EKOLOGIKOAREN ESKAKIZUNAK

EUROPAKO BATZORDEAREN 2017ko urtarrilaren 25eko 2017/175 (EB) ERABAKIAn daude araututa ostatu turistikoek Europako Etiketa Ekologikoa lortzeko bete beharreko irizpideak. Erabaki horri jarraikiz, ostatuak honako baldintza hauek bete behar ditu Europako Etiketa Ekologikoa lortzeko:

• Ingurumen-alorreko legedia betetzea, bai eta dagokion sektoreko eta lan-esparruko legedia ere.
• Zenbait arlotan (kudeaketa orokorra, energia, ura, hondakinak eta hondakin-urak eta beste zenbait irizpide, hala nola garraio jasangarria) xedatutako nahitaezko 22 irizpideak betetzea
• eta gutxieneko puntuazio bat lortzea hautazko irizpide multzo batean; horiek aldatu egiten dira ostatuak eskaintzen dituen zerbitzuen arabera.

LURDEIAk, ingurumena zaintzea eta klima-aldaketa prebenitzea oso garrantzitsuak direla kontuan hartuta, Europako Etiketa Ekologikoaren aldeko apustua egin zuen, ostatu turistiko jasangarri izatea ziurtatzeko. Horretarako, ingurumen-kudeaketako sistema bat ezarri zuen, eta jardueraren ingurumen-kudeaketa eta -portaera kontrolatu eta hobetu ahal izan zuen.

Behin irizpide bakoitza justifikatzeko dokumentazioa prestatuta, irizpideak betetzen diren aztertzeaz arduratzen den organoaren bisita jaso zuten ostatuan bertan. Horren ondoren, Eusko Jaurlaritzako Ingurumen Sailburuordetzak, organo eskuduna izaki, Europar Batasuneko Etiketa Ekologikoa eman zion.

Gainera, aipatu behar da, Europako Etiketa Ekologikoa lortzeko prozesua gauzatzeaz gain, Energia Efizientziaren Ziurtagiria ere lortu zuela LURDEIAk, gehieneko kalifikazio energetikoarekin (A) lortu ere.