Udalsarea 2030ek, Euskadiko administrazio publikoaren mailen arteko koordinazioa sustatzen duen udalerri jasangarrien euskal sareak, berriki bat egin ondoren partaide du EUDEL, Euskadiko Udalen Elkartea, tokiko ekintza jasangarria bultzatzeko.

Eudel Udalsarea 2030en sartzea bat dator udalerri jasangarrien euskal sarearen 20. urteurrenarekin. Ospakizun ekitaldi horretan Koldobike Olabide Legazpiko alkate eta Euskadiko Udalen Elkarteko Batzorde Betearazleko kideak nabarmendu zuenez “bultzada, laguntza eta lankidetza” dira Udalsarea 2030en funtsezko hiru balioak, “berez udalek osatutako sarea da, eta laguntzarako eta trukerako eta ezagutzarako foro gisa dihardu”. Hain zuzen ere, aurten EUDELen 40. urteurrena betetzen da. Euskadiko Udalen Elkartea (EUDEL) 1982an sortu zen, udal-autonomia defendatzeko eta beste erakunde batzuen aurrean tokiko interesak ordezkatzeko.

Bestalde, Udalsarea 2030ek euskal udalerriak eta eskualdeak mobilizatu nahi ditu, Garapen Jasangarrirako Helburuak eta Agenda 2030 lortzeko, tokiko ekintza eraldatzailearen eta tokiko eta udalaz gaindiko politiken lerrokatzearen eta koherentziaren bidez. EUDELeko ordezkariak bereziki nabarmendu zuen euskal toki erakundeetako teknikarien lana: “Udalsarea 2030, neurri handi batean, tokiko gobernuetan erabaki onenak hartzeko beharrezkoa den udal taldeen lan tekniko horren guztiaren emaitza da”.

Koldobike Olabidek adierazi zuenez, sareak tokiko gobernuen jasangarritasunarekiko etengabeko konpromisoa bultzatzen jarraitzen du. Adierazi zuenez, Udalsarea 2030 “Euskadiko erreferentziazko sarea da, harro sentiarazten gaitu, eta bat dator Europako politika aurreratuenekin, gure lana gure ingurunetik kanpo ere ezagutaraziz”.

Udalsarea 2030ek sare ikuspegi aktiboa du, erreferentea da Euskadiko udalerri eta erakundeentzat, beste eragile batzuekin koordinatutako zerbitzu aurreratu eta berritzaileengatik, eta Garapen Jasangarrirako Helburuei egiten dien ekarpenarengatik, klima-neutraltasunaren eta erresilientziaren bidean batez ere, lurzorua babestuz eta ekonomia zirkularra bultzatuz.

Gainera, oso izen ona du Estatuan eta Europan, 20 urte baino gehiagoan egin duen ibilbidearengatik. Horrela, EUDELeko ordezkariak Udalsarea 2030ek, herritarren partaidetzarako eta hausnarketarako lehen foroen sustatzaile gisa, “orain abian ditugun tokiko ekintza askotan herritarrak sentsibilizatzeko eta kontzientziatzeko egindako ekarpena nabarmendu zuen: alkateen Ituna eta Klima-aldaketaren aurkako borroka, besteak beste”.

“Udalsarea 2030ek, eta udalerri guztiek, oro har, berebiziko garrantzia eta zeregin aktiboa izan dezakegu garapen jasangarrirako helburuak ezartzeko orduan. Euskadiko 2030 Agendaren bidez eta Agenda gure udalerrietan lekutuz”, amaitu zuen.

Ildo horretan, Lehendakaritzako Gizarte Trantsiziorako eta 2030 Agendarako Idazkaritza Nagusiak esparru-akordioa sinatu zuen duela urtebete EUDELekin, udalek Euskadiko 2030 Agendari egiten dioten ekarpena indartzeko, maila anitzeko gobernantzatik eta inplikatutako eragile guztien arteko lankidetzatik heldu beharreko erronka global gisa.

Hitzarmenak EUDELen bidez bideratzen du udalen lankidetza, eta tokiko gobernuen koordinazio- eta partaidetza-mekanismoak antolatzen ditu Euskadin Agenda ezartzeko prozesuan. Helburua, udalerriek bultzatutako proiektuak txertatuz eta erakundeen arteko lankidetzaren bidez 2030 Agendaren Lehentasunen Euskal Programa indartzen duten udalen rol aktiboa ikusaraztea eta indartzea da.

Proiektu horietako batzuk gauzatzean, Udalsarea 2030ek funtsezko zeregina betetzen du, klima-larrialdiaren aurrean erantzun sendoa emanez, zehazki, Klimaren eta Energiaren aldeko Alkatetzen Ituna bultzatuz eta tokiko eremutik ekonomia zirkularra eta lehiakortasuna sustatuz, bai eta udal-kudeaketa bikainean sakonduz ere, tokiko politika publikoen eta jarraipenaren bidez Tokiko Agenda 2030era eta GJHetara bideratutako tokiko gobernantza bultzatuz.

Proiektu horietako batzuk gauzatzean, Udalsarea 2030ek funtsezko zeregina betetzen du, eta erantzun irmoa ematen du larrialdi klimatikoari aurre egiteko; zehazki, Klima eta Energiarako Alkateteen Ituna bultzatzen du, ekonomia zirkularra eta lehiakortasuna bultzatzen ditu tokiko eremutik, eta udal-kudeaketa bikaina sakontzen du, 2030 Agendara eta GJHetara bideratutako tokiko gobernantza bultzatuz, tokiko politika publikoen ebaluazioaren eta jarraipenaren bidez.