Europako Ingurumen Agentzia eta Alemaniako UBA aitzindariak dira CASRI proiektuan, baina hauek ere parte hartzen dute: Austria, Eslovakia, Flandes, Finlandia, Frantzia, Gales, Italia, Irlanda, Suitza eta Euskadiko agentziek. Europar Batasunaren finantzaketarekin, proiektuaren bidez lortu nahi da Europako ingurumen-agentzien ingurumen-ikerketa berritzailea konektatzea eta sustatzea.

Parte hartzen duen herrialde eta erregio bakoitzeko agenteak gaur egun gai-eremu hauek lantzen ari dira: ekoizpen-sistema erresilienteak, deskarbonizatuak eta zirkularrak; biodibertsitatea eta klima; hirigintza jasangarria eta natura, eta ingurumena errespetatzen duen trantsizio energetikoa.

Gainera, CASRI ekimenak modu integralean definituko ditu proiektuak 2025ean zehar, agentzien finantzaketarekin edo Europar Batasunaren I+G+Bko FP10 programa berriaren esparruan, eta 2026an gauzatzen hasiko dira. Horretarako, azken hamarkadan ekoberrikuntzaren arloan eta ZTBP 2030 - Zientzia, Teknologia eta Berrikuntzako Planaren barruan enpresekin, zentro teknologikoekin eta erakunde publikoekin egindako lana eskainiko du Ihobek.

Europako Ingurumen Agentzia eta Alemaniako UBA aitzindari dira CASRI proiektuan. Lehen elkarlan-proiektuak 2026an abiaraziko dira

Europako Ingurumen Agentzien Sarea hogeita hamar agentziak osatzen dute, 3.000 aditu baino gehiagorekin eta ekoberrikuntzarako aurrekontuekin. Agentzia publiko horiek (gehienak mende erdiko esperientzia dutenak) funtsezkoak dira gobernuei eta enpresei trantsizio berdean laguntzeko eta etorriko diren erronka konplexuen aurrean erabaki onenak hartzeko ezagutzak emateko: «Knowledge for policy» izenez ezagutzen dena.

Agentziak elkarlanean ari dira enpresekin, administrazio publikoarekin, ezagutza-eragileekin eta herritarrekin; beraz, Europak aurrean dituen ingurumen-erronkei arrakastaz heltzeko funtsezko erakundeak dira.