Ihobeko zuzendari nagusia Alexander Boto Bastegietak eta Regions4eko idazkari nagusi Natalia Uribe Pandok bi erakundeen arteko hitzarmenaren berriztapena sinatu dute; horren asmoa da eskualdeen ahotsa nazioarteko zita nagusietara eramaten jarraitzea, besteak beste klima-ekintzaren, biodibertsitatearen eta 2030 Agendaren alorretan.

2022an Johannesburgon egin zen munduko goi bileran eratua, garapen jasangarriaren aldeko nazio azpiko gobernuen sare gisa, gaur egun 21 herrialdetako eta 4 kontinentetako 46 kidez osatuta dago. Euskadi ekimenaren bultzatzaileetako bat izan zen hasieratik beretik, eta berehala eskualde ugari atxiki zitzaizkion.

Euskadik 2024ra arte jarraituko du Garapen Jasangarrirako Eskualde-gobernuen Sarearen presidentzian

2019ko martxoan, Eusko Jaurlaritzak Iparraldeko presidentzia bereganatu zuen, eta geroago, urte horretako uztailaren 1ean, Idazkaritza Nagusiarena, erakundearen izena ofizialki aldatu zuen bileran batean. Izan ere, jatorrizko izena nrg4SD zen, eta harrezkero Regions4 Sustainable Development deitzera pasatu zen. Euskadiren presidentzia-aldia aro berri bat izan da erakundearentzat, lidergo berritu batez.

Regions4 buru-belarri ari da lanean garapen jasangarriari, biodibertsitateari eta klima-aldaketari buruzko nazioarteko agenda nagusietan modu aktiboan parte hartzeko, eta eskualdeen ahotsa da Nazio Batuen Erakundearen negoziazioetan, Europar Batasunean eta garapen jasangarriari buruzko erabakiak adosten diren nazioarteko eztabaida globaletan eta nazioarteko zita garrantzitsuetan.

Eskualdeen eta tokiko gobernuen rola

Nazio azpiko gobernuek funtsezko rola jokatzen dute klima-neutraltasunera zuzendutako aurrerapenean; izan ere, inork baino hobeto ezagutzen dituzte euren komunitateak, eta horrek ahalbidetzen die erabakiak eta estrategiak euren biztanleriaren eta lurraldearen zirkunstantzietara egokitzea, eta, hortaz, helburuen lorpenean eraginkorragoak izatea.

Administrazio publikoaren egitura deszentralizatu gisa -Nazio Batuen Erakundearen arabera-, berotegi-efektuko gasen isurketen % 70 baino gehiago eta klima-aldaketaren inpaktuetara egokitzeko neurrien % 90raino tokiko eta eskualdetako agintaritzei dagozkie. Gobernu maila horiek Europar Batasuneko legediaren % 70 aplikatzen dute, gastu publikoaren herena eta inbertsio publikoaren bi herenak hartuz.

Ihobe, 40 urteko lidergoa

Euskadik sare horretan duen presidentzia-aldiaren amaiera Eusko Jaurlaritzako Ingurumen Jarduketarako Sozietate Publikoaren 40 urtemugarekin batera dator; Alexander Boto Bastegietaren esnetan, sozietate hori ”erreferente bat da Eusko Jaurlaritzaren ingurumen-politiken diseinu eta hedapenean”.

Lidergo horrek bereziki komenigarri bihurtzen du bi erakundeen artean sinatutako akordioa, zeren segurtatzen baitu euskal administrazioak rol aktiboa izaten jarraituko duela eskualdeen eta tokiko gobernuen ahotsa eramaten klima-ekintzari, tokiko jasangarritasunari eta biodibertsitateren kontserbazioari buruzko erabakiak hartzen diren guneetara.