Sarearen hogeigarren urteurrena dela eta, Ramon Grasek Hirien Zientzian egin berri diren aurkikuntzen aukeraketa bat aurkeztuko du, baita Europako eta Ameriketako Estatu Batuetako hiri eta landa-eremuetako jasangarritasunaren, hiri-garapenaren eta garapen ekonomikoaren alorretan aplikatzeko zenbait adibide praktiko ere. Bertan, artea eta zientzia hirigintzan harmonizatzean oinarritutako metodologia horrek hiritartasunaren zorroztasun zientifikoan, kalitate goreneko zerbitzuan eta ebidentzian oinarritutako erabakiak hartzeko prozesua nola bideratu dezakeen azalduko du.

Ramon Gras, Bide, Ubide eta Portuetako ingeniariak ibilbide profesional azpimarragarria du hirigintzaren eta diseinuaren arloan. 2018. urtean Aretian | Urban Analytics and Design hiri-berrikuntzako startup-a sortu zuen Massachusetts-en (Estatu Batuak), bazkide batzuekin batera. Enpresako bazkide zuzendaria da. Era berean, hiri-berrikuntzako eta teknologia-transferentziako diseinuan lan egiten duen Harvard iLab-en spin-off enpresa baten sortzaileetako bat da.

Nazioarteko ospea duen urbanista

Bere esperientzia profesionalean, Ramón Gras hiri-analisi eta -diseinuarengatik, big data eta mugikortasun-joerengatik eta hiriko eredu zientifikoak hedatuz hiri- eta ekonomia-garapeneko proiektuei forma emateko, hiriko eta eskualdeko jasangarritasunari buruzko azterlanak egiteagatik nabarmentzen da. Harvardeko Unibertsitatean Harvard School of Engineering and Applied Sciences (SEAS) erakundeko ikertzaile da gaur egun, hiri-berrikuntzako talde berrian. Bere ibilbidean zehar, urbanista ospetsuak tresna analitikoen garapenean hartu du parte, hirien eta eskualdeen analisi geoespaziala eta hiri-diseinua bultzatzeko, ezagutzaren ekonomia, berrikuntzako barruti intentsiboak eta balio erantsi handiko esportazioak bultzatzeko.

Bere hitzaldietan, Hirien Zientziaren arloan egin berri diren aurrerapenek konplexutasun handiko hiri-erronkak argitzea nola ahalbidetzen duten azaltzen du, besteak beste, hirigintza-diseinuan, garapen ekonomikorako eta ezagutzaren ekonomia aktibatzeko estrategietan, mugikortasunean, edo lurralde-jasangarritasunarekin, elikadura-, energia-, ur- eta ingurumen-autosufizientziarekin erlazionatutako erronketan.

Konplexutasunaren zientziaren eta hirigintzari aplikatutako sareen teoriaren konbinazioari esker, zehaztasun handiko hiri- eta eskualde-diagnostikoak egiteaz gain, erabakiak hartzeko prozesuak bideratu daitezke, hirien, eremu metropolitarren eta landa-eremuen diseinuaren eta kudeaketaren kalitatea handitzeko. Aretian-eko taldeak, besteak beste, hiri-eremuetan berrikuntza-barrutien diseinua eta landa-eremuetan nekazaritza-teknologia campusak bideratzeko metodologia garatu ditu.

Udalsarea 2030en 20. urteurrena

Udalsarea 2030, Udalerri Jasangarrien Euskal Sareak, Euskadiko tokiko ekintza jasangarria eta Tokiko Agenda 2030 bultzatzen bete dituen 20 urteak ospatuko ditu irailaren 12an, euskal udalerri eta eskualdeen garapen jasangarriaren aldeko konpromisoa berretsiko duen ekitaldiarekin. Iñigo Urkullu lehendakaria buru dela, urteurren horren ospakizunak euskal erakundeen eta Udalsarea 2030 osatzen duten erakundeen ordezkaritza zabala bilduko du Tabakalera nazioarteko zentroan.

Jasangarritasuneranko Udalerrien Euskal Sarea 2002ko abenduan sortu zen, euskal administrazio publikoen arteko koordinazio-foro gisa, udal mailan jasangarritasuna sustatzeko, EAEko udalerrietan Tokiko Agenda 21 ezartzeko bidean aurrera eginez.

Udalsarearen jatorria EAEko Ingurumen Esparru Programaren testuinguruan izan zen, Udaltalde 21 izeneko dinamikaren bitartez. Dinamika horrek lurralde-hurbiltasuna partekatzen zuten udalerri-taldeetan lan egiteko eta Tokiko Agenda 21ak definitzeko prozesua elkarrekin egiteko aukera ematen zuen, eskualdeko erakunde bateratzaileen inplikazioarekin eta koordinazioarekin. Aldi horretan, EAEko 240 udalerrik EAEko biztanleen %98ra iristen diren tokiko jasangarritasuneko ekintza-planak izan dituzte. Guztira 190 udalerrik egin zituzten plan horiek Udaltalde 21en barruan.

Bigarren hitzarmen arautzailearen ondoren, 2016ko apirilean, tokiko jasangarritasunaren aldeko konpromisoa berritzeko akordioa sinatu zen, eta guztira 191 udalerri atxiki zitzaizkion, Eusko Jaurlaritzarekin, foru-aldundiekin eta beste erakunde publiko batzuekin batera.

Programa eta izen-emateak