Ingurumen komunikazioko eskola, 2025 - Km0 elkarrizketak, herritarrekin konektatzeko

Ingurumen Komunikazioko Eskola, hain zuzen, Ihobe - Eusko Jaurlaritzako Ingurumen Jarduketarako Sozietate Publikoak eta APIA - Ingurumen Informazioko Kazetarien Elkarteak antolatu dute. Dagoeneko 6 edizio izan ditu, komunikazioaren eta ingurumenaren inguruko eztabaidarako foro gisa.

Eskolaren helburua da hausnarketarako gune bat sortzea eta ingurumen erronka handien komunikazioari buruzko gako batzuk ematea, hala nola krisi klimatikoa, biodibertsitatearen galera, natura ingurunearen kontserbazioa, ekonomia zirkularraren ezarpena eta garapen jasangarria, besteak beste.

Zazpigarren edizio honetan, Ingurumen Komunikazioko Eskola birmoldatu eta eboluzionatu egin da, sakoneko elkarrizketen formatuari bide emateko. Helburua da hainbat ikuspegitatik trantsizio energetiko eta klimatikoan aurrera egiten eta ingurumen kontuak gehiago eta hobeto komunikatzeko kontakizuna aldatzen laguntzen ari direnekin elkarrizketak izatea. 

2025eko edizioan, kontsumoaren, gastronomiaren eta komunikazioaren arteko lotura jorratuko dute elkarrizketek, eta gure kontsumo ohituren eta sortzen duten ingurumen inpaktuaren arteko harremana nolakoa den azalduko da, bai eta kontsumitzaileek eta herritarrek, oro har, ingurumenari buruzko informazio egiazkoa eta zorrotza jasotzeko duten beharra zer-nolakoa den ere.

Elkarrizketa horiek esperientzia praktiko batekin osatuko dira, Eskolan parte hartzen duten pertsona guztientzat: aurrez aurre joaten diren pertsonentzako, bisita; eta, bide telematikoz parte hartzen dutenentzako, tailer bat. 

EKITALDIA IZEN-EMATEA