Erakundeak frogatu behar du bere lehiakideen aurreko ereduen aurrean edo antzeko ereduen aurrean lortutako ingurumen-hobekuntza, ahal dela, ingurumen-inpaktuak neurtzeko txosten ofizial baten bidez, hala nola Produktuaren Ingurumen Adierazpenaren bidez, egiaztatutako karbono-aztarnaren bidez, kanpoko azterketa kritikoa duen Bizi Zikloaren Analisiaren bidez, eta abar.

Ihobek ingurumen-inpaktuaren ebaluazio sinplifikatua egiteko doako zerbitzua gaitu du, informazio kuantifikaturik ez dagoen kasuetarako. Informazio hori izateko epea azaroaren 10ean amaituko da.

Konpainia batek zenbait produktu aurkeztu ahal izango ditu, baina espazio-arrazoiak tarteko eta ahalik eta ordezkaritzarik zabalena bermatze aldera, erakunde bakoitzak gehienez ere bi edo hiru produktu aurkeztu ahal izango ditu. Parte hartzen duten enpresen ardura izango da erakusketa osatuko duten produktuak epe eta modu egokian ematea Ihoberi.

‘Zirkularrak – Circulares’ erakusketa aukera bikaina da ekonomia zirkularrari buruzko ezagutza sustatzeko. Erakusketa zuzentzen zaie: herritarrei; enpresa ekoberritzaileen garapen arrakastatsuak ezagutzeko eta aplikatzeko interesa duten euskal enpresei; Euskadin ekonomia zirkularra bultzatzeko potentziala duten erakunde eta administrazio publikoei; Euskadiko eta nazioarteko klusterrei eta enpresa-elkarteei; edo Euskadiko eta nazioarteko ezagutza- eta berrikuntza-eragileei.