Ekodiseinatuz programaren xedea da enpresetan ekonomia zirkularreko proiektuak garatu daitezela sustatzea, eta alorreko talentu berrien prestakuntza praktikoa bultzatzea aldi berean. Parte hartzen duten enpresek aukera izango dute unibertsitateko ikasle gazteekin batera lanean aritzeko. Gazteok, Ihoberen tutoretzapean, parte hartuko dute ekodiseinuko, karbono-aztarnaren eta ingurumeneko beste metrika batzuen kalkuluko eta produktuen ingurumen-adierazpenen garapeneko proiektuetan.

Ekodiseinatuz programaren xedea da enpresetan ekonomia zirkularreko proiektuak garatu daitezela sustatzea

Urriaren 30era arte, interesa duten enpresek programan parte hartzeko asmoa adierazteko aukera izango dute. Ekodiseinatuz programak enpresekin lankidetzan aritzeko esparrua jartzen du eskura, Ihoberen ekipoak praktikaldiaren lehenengo bost hilabeteetan zehar ematen duen jarraipen tekniko espezializatuaren onuradun izan ahalko baitira. Enpresek, bestalde, prakitaldiko ikaslearentzako zenbateko bat eman beharko dute hilero, 550 eta 1.125 euro bitartekoa, dedikazio-maila zein den (20 eta 40 ordu artean astero) eta ikaslea zer unibertsitatetik datorren kontuan hartuta. Horrez gainera, enpresak Gizarte Segurantzako alta ordaindu beharko du, gutxi gorabehera benetako praktika-egun bakoitzeko 0,41 euro.

Praktikaldia

Praktikak 2024ko azaroan hasiko dira eta bost hilabeteko iraupena izango dute, baita luzatzeko aukera ere alde biek adosten badute, eta beste deialdi batzuk egingo dira 2025eko martxoan, uztailean eta urrian. Praktiketako ikasleak jarduerak prsentzialki egingo ditu enpresaren instalazioetan, eta aukera egongo da telelaneko lau egun ere ezartzeko gehienez, betiere alde biak ados badaude.

Izen-ematea

Parte hartu nahi duten enpresek 2024ko azaroaren 8ra arte dute interesa adierazteko, eta hemen eskuragarri duten inprimakia bete beharko dute.

Informazio gehiago nahi izanez gero, oinarriak eskuragarri daude Basque Circular Huben webgunean, eta Euskadiko ekonomia zirkularreko zerbitzu aurreratuen zentroarekin harremanetan jartzek aukera dago ere bai basquecircularhub@ihobe.eus helbidera idatzita.