Furesak garatutako proiektuak –Funditren izenekoak– 29 mila euroko laguntza izan du Eusko Jaurlaritzaren Ihobe sozietate publikoaren ekoberrikuntza zirkularrerako 2020ko Laguntza Programatik. Programak EGEF funtsen finantzaketa du.

Trenbideetan erabilitako balazta-multzoetan erabiltzen diren piezak altzairurtuz egiten dira normalean. Nolanahi ere, altzairuak hasiera batean ezaugarri mekaniko hobeak ditu burdina nodular estandarraren galdaketak baino, baina, egia esan, piezak marruskadurarekin lortzen dituzten tenperatura altuak disipatzeko gaitasun okerragoa du. Erabilitako materialak tenperatura galtzeko duen gaitasun hori funtsezko faktoretzat hartzen da balaztatzeko sistemetan. Gainera, altzairurtuak bere ezaugarri mekanikoak bakarrik eskuratzen ditu piezak tratamendu-prozesu bat jasanez gero.

Altzairuaren erabileraren aurrean, FURESAk proposatutako galdaketako piezen fabrikazioak saihestu egiten du altzairuari tratamendu termikoa aplikatzea; izan ere, tratamendu horrek inpaktu handia du enpresarentzat kontsumoan eta energia-kostuetan, prozesuaren kostu osoaren % 20 inguru, eta horiei, gainera, sortzen diren gas-isuriak gehitu behar zaizkie.

FUNDITREN proiektuaren esparruan garatutako prozesu berriak bigarren mailako lehengaiak (automobilgintzako pieza estanpatuaren ebakin-txatarra) eta barne-itzulera gehiago erabiltzen ditu bestelako baliabide batzuen kalterako, hala nola labe altuko lingotea (ingurumen-inpaktu handia du, natura-baliabideak (burdin mea) erabiltzen dituelako, energia-kontsumoagatik eta CO2 isuriengatik. Lehengaien kontsumo-aurrezki horri gehitu behar zaio metal kritikoen kontsumoa murriztea, hala nola kobrea, manganesoa eta kromoa.

FURESAk garatutako lan-metodologia berria erabiliz gero, bezeroek eskatutako zehaztapenak dituzten piezak kostu txikiagoan lortzeko aukera izango dute, beren eskakizun teknikoak asetzeko aleaziorik merkeenaren konposizioa hautatu ahal izango baitute.

FURESAk 11 herrialde baino gehiagotan jarduten du, hiru kontinente desberdinetan eta hainbat sektoretan; besteak beste, sektore eolikoan eta trenbideen, balbulagintzaren (fluidoak eta gasak), industria-ibilgailuen, ibilgailu berezien, nekazaritzaren, goratzearen, meatzaritzaren, erremintaren eta industria globalaren sektoreetan.