ENCORE Europako eskualdeen sarearen parte delako izan da posible Euskadiren parte-hartzea. Sare hori 122 eskualdetako gobernuk osatzen dute, eta lehentasunezko jarduera-ildoak ditu ekintza klimatikoan, ekonomia zirkularrean eta biodibertsitatean. Eusko Jaurlaritza soluzio berritzaileetan aurreratuta dagoen eskualde gisa gonbidatua izan da, ekintza klimatikorako eta ekonomia zirkularrerako puntako tresnak dituen eskualdea izanagatik, beste eskualde eta hiri batzuetarako inspirazio-iturri bihur daitekeelako.

Euskadi ENCORE sareko kide da duela bi hamarkada sortu zenetik, eta gaur egun Batzorde Betearazlean dago 2024 arte. Sare horren lanak EBko ingurumen-politikak eskualdean eraginkortasunez aplikatzeko lagungarria da.

Nazioarteko lantegi horren emaitzak ENCOREren bi urtez behingo hurrengo biltzarrean sartuko dira. Konferentzia hori 2023an egingo da Gelderdand-en, gaur egun sarearen lehendakaritza duen Herbehereetako probintzian.