Ihobek, Eusko Jaurlaritzako Ekonomiaren Garapen, Jasangarritasun eta Ingurumen Sailari atxikitako Ingurumen Jarduketarako Sozietate Publikoak, “En verde-Berdean” aurkeztu du, jasangarritasunari eta ingurumenari buruzko Ihoberen podcasta, bizi-eredu jasangarriagoak lortzeko lan egiten duten pertsonei eta erakundeei ahotsa emateko.

Bego Beristain kazetariak aurkeztutako formatu berri hau jaio da EAEko natura-ingurunearekin eta ingurumen-erronkekin –klima-krisia, biodibertsitatearen galera, natura-ingurunearen kontserbazioa, ekonomia zirkularraren ezarpena, garapen jasangarria...– lotutako esperientziak eta proiektuak zabaltzeko asmoz, beste pertsona eta erakunde batzuk inspiratzeko eta haien arteko sinergiak sortzeko.

“En verde-Berdean” podcastaren lehen atalean Gabi Martínez idazlea eta naturalista izan zen protagonista. Egungo eredu sozioekonomikoa birpentsatzeko eta ingurumena errespetatzen duen eredu jasangarriago baterantz abiatzeko bidean, artearen eta literaturaren munduak egin ditzakeen ekarpenei buruzko gogoetan egin zuen.

Laster, elkarrizketa-gune berriaren atal berriak aterako dira argitara. Hilean behin egingo da, eta gehien erabilitako bi podcast-plataformetan banatuko da: iVoox-en eta Spotify-n.