Ihobek, Eusko Jaurlaritzaren Ingurumen Jarduketarako Sozietate Publikoak, hainbat bide eskaintzen ditu urtero kontratazioaren arloko lan-ildoak eta aurreikuspenak jakinarazteko. Orain arte, Ihobek erakunde hornitzaileen foro bat egin du urtero, bere ibilbide-orria jakinarazteko, eta ezagutza- edo laguntza-premia estrategikoak azpimarratu ditu eta enpresa parte-hartzaileek planteatutako eskaerak jaso ditu.

Erakunde hornitzaileen azken foroa 2022ko otsailean egin ondoren, eta Euskadiko aholkularitza-enpresen eskaerei erantzuteko, Ihobek bere kontratazio-plana ere argitaratu du; gardentasun-ariketa hori barne-plangintzako tresna bat da, eta, gainera, erakunde hornitzaileei kontratazio-aurreikuspenen berri ematen die.

Ihoberen kontratazio-plana 25.000 eurotik gorako kontratu publikoetara mugatzen da, eta informatzeko baino ez da. Argitalpen horrek ez du esan nahi zerrendatutako kontratu guztiak exekutatu behar direnik, eta, gainera, aukera ematen du plegu berriak sartzeko, beharrezkotzat jotzen bada; hala ere, erakunde hornitzaileak horretan oinarritu ahal izango dira, eta ziurtasun handiagoa izan ahal izango dute Ihoberen jarduerak aurten beharko dituen behar estrategikoei buruz.