Azaroaren 8an, Gasteizen, aipatutako programa Eusko Jaurlaritzaren Sailetan hedatzeko bilera operatiboa egingo da, eta azaroaren 10ean Bilbon egingo den bilera, berriz, programari atxikitako erakundeei zuzendutakoa izango da.

Bi bileretan, erosketa berdea ikuspegi globaletik aztertzeaz gain, berariaz landuko da obraren eta eraikuntzaren esparrua.

Honako hauek izango dira bilera horien helburuak:

• erakunde parte hartzaileek erosketa publiko berdea hedatzeko eskura dauden baliabideak ezagutzen dituztela bermatzea
• parte hartzen duten erakundeen eskaerak eta beharrak jasotzea, modu praktikoan hedatzeko
• antolaketa modurik egokiena adostea

Eta, horrela, jarduera egokienak diseinatu ahal izango dira, parte hartzen duten erakundeen artean baliabideak eta sinergiak ahalik eta gehien aprobetxatzeko eta ahalik eta emaitza onenak lortzeko.

Euskadiko Erosketa eta Kontratazio Berdearen 2030erako Programara atxiki, eta hor parte hartu nahi duten euskal sektore publikoko erakundeek programari buruzko dokumentazioa azter dezakete esteka honetan edo beharrezko galderak egin, compra.verde@ihobe.eus helbide elektronikora idatzita.