Surfrider Foundation Europe GKEaren Espainiako ordezkaritzak, Surfrider Españak, antolatu zuen “El cambio climático y la erosión costera, una realidad hoy” jardunaldian, batetik, klima-aldaketak Euskadiko kostaldean izan dituen inpaktuak aztertu zituzten eta, bestetik, irtenbideak bilaketa jorratu zuten.

Carlos Castillo Ihobe sozietate publikoko Ekintza Klimatikoko arloko teknikariak Eusko Jaurlaritzak ezarri dituen neurrien berri eman du; besteak beste, Trantsizio Energetikoari eta Klima Aldaketari buruzko Legeari buruz (izapidetze prozesuan), funtsezkoa izango dena klima-aldaketari aurre egiteko. Izan ere, Euskadiko errealitatea egokituko du, batetik, herrialdeko eta nazioarteko arau- eta lege-markoa betetzeko, eta, bestetik, lurralde erresiliente eta isurietan neutro baterako trantsizioa egokiago eta justuago egiteko erabil daitezkeen tresnekin eta estrategiekin bat etortzeko.

Halaber, Surfrider España erakundeko arduradunek Ocean Friendly Restaurant (OFR) programaz aritu dira. Horren bidez, jatetxeak lagundu nahi dituzte eredu jasangarriago batera alda daitezen. OFR kanpaina 2018an proposatu zuten Surfrider Fundazioko boluntarioek, jatetxeei trantsizio ekologikoan laguntzeko, batez ere, plastikoaren ordezkoak bilatzen. Dena den, programako irizpideek arlo zabalago bat hartzen dute barne, eta ingurumen-jasangarritasuneko zigilu bat irudikatzen dute. Dagoeneko 63 jatetxe ziurtatu ditu Surfriderrek Europako 4 herrialdetan.

Gainera, saiora joan direnek aukera izan dute Lionel Bitsch-en eta Guillaume Bonnel-en Aleascapes erakusketa ikusteko, gure inguruan klima-aldaketak izandako inpaktua eta higadura ardatz dituena. Zenbait argazki Bizkaiko Golkoan ateratakoak dira.