Laugarren edizio honetan, ekimena irailaren 22tik urriaren 1era bitartean gauzatuko da. Hamar egun horietan, Udalsarea 2030ek eta udalerri jasangarrien euskal sarea osatzen duten udalerriek eta eskualdeko erakundeek modu aktiboan hartuko dute parte klima-aldaketaren eta trantsizio energetikoaren erronka mobilizatzeko eta herritarren agendan jartzeko; hori guztia, premisa batekin: “Ekintza orok, txikia izanda ere, badu garrantzia”.

Eusko Jaurlaritzako Ekonomiaren Garapen, Jasangarritasun eta Ingurumen Sailak sustatuta, Ihobe eta EEE erakunde publikoen bitartez, ASTEKLIMA 2023k 200 jarduera baino gehiago izatea aurreikusten da, eta aurreko ekitaldien ildoan eta aurkezpen ofizialaren zain, hauek hartuko ditu: tailerrak eta erakusketak, hitzaldiak, antzerkia eta ipuin-kontalariak, bisitak eta bideo- eta argazki-lehiaketak.

Ihobek, gainera, hainbat motatako beste zenbait ekitaldi antolatu ditu astean zehar, lurralde osoan banatuko diren eragileak inplikatuz.

Aurreikusitako jarduera guztiak kontsultatzeko, sakatu hemen.