ZERO plastiko Bilboko Euskalduna Jauregiko catering- eta jatetxe-zerbitzuetan

Aukera, erronka eta kudeaketa partekatua

«ZERO plastiko» ekimena Euskalduna Jauregiaren ingurumen-apustuaren barnean ekiteko aukera bat identifikatu ondoren sortu da: Euskalduna Jauregian egindako ekitaldien kopurua kontuan hartuta, plastikoen kontsumoa gutxitzea, ingurumenaren ikuspegitik, berrikuntzarako eta erakundeak bezeroei eskaintzen dien zerbitzua hobetzeko aukera zela hauteman zen.

Catering-zerbitzu globala kontuan hartua, baita gainerako jatetxe-zerbitzuak ere, Euskalduna Jauregiak plastikoa duten elementu guztiak kendu eta ordeztea erabaki zuen.

Premisa horrekin, zuzendaritza-taldeak lantalde bat sortu zuen jatetxe-enpresa emakidadunekin –Gumil Hosteleros SL eta ENEKO Bilbao–, jardunbide argiak ezarri, eta ingurumena errespetatzen duten elementuekin ordeztu beharreko elementuak zehaztearren.

Hala, sentisibilizazio partekatuan oinarrituta, elementu hauek ordeztea erabaki zen:

• Ur-botilak.
• Pikniketarako plastikozko poltsak.
• PET botila guztiak –edari gasdunenak, esne-brikak, etab.–.
• Dosi bakarreko plastikoak.
• Erabili eta botatzeko plastikozko plater-osagaiak.
• Kontsumorako plastikozko elementuak (lastoak, eskuilak, eramateko edalontziak).
• Plastikozko autozerbitzu-erretiluak eta mahai-tresnak.
• ·           Ur-puntu autonomoak, botila handi eta plastikozko edalontziak dituztenak.

Esku-hartze zehatza, erosketa eta kontratazio berdearen arabera

Aipatutako plastikozko elementuen ordez ingurumenaren ikuspegitik alternatiba hobeak direnak erabiliko dira. Esaterako, hauek:

• Beira.
• Zura, banbua, arto-almidoia, azukre-kanabera, palmondo-hostoa, papera edota kraft kartoia; batzuetan PLA konpostagarriarekin (azido polilaktikoa), polimero biodegradagarria eta itxuran plastikoaren oso antzekoa.

Gainera, 0 km-ko ur iragaziko iturri bat instalatu da kafetegi nagusian.

Eta erosketa berdea erabilita hori guztia lortzeko bitarteko gisa.

EKARPEN NAGUSIA: Catering-zerbitzuen plastikozko elementuen ordez ingurumena errespetatzen duten elementuak erabiltzea, eta, aldi berean, plastikoen erabilera eta plastiko-hondakinen sorrera murriztea.